മണത്തണ : മുങ്ങിമരണം ഒഴിവാക്കുക എന്ന ലക്ഷ്യത്തോടെ പേരാവൂർ അഗ്നിരക്ഷാ നിലയം, ചെങ്കൽ തൊഴിലാളി ഡ്രൈവേഴ്സ് ആൻ്റ് ക്ലിനേഴ്സ് മണത്തയുടെ സഹകരണത്തോടെ സംഘടിപ്പിച്ച ശാസ്ത്രീയ നീന്തൽ പരിശീലനം "Rescue Guppies" പൂർത്തിയായി. 5 ബാച്ചുകളിലായി 210 കുട്ടികളാണ് പരിശീലനം പൂർത്തിയാക്കിയത്.കഴിഞ്ഞ വർഷം 186 കുട്ടികൾ പരിശീലനം പൂർത്തിയാക്കിയിരുന്നു. പരിശീലനത്തിൽ പങ്കെടുത്തവരുടെ പേരുകൾ രജിസ്റ്റർ ചെയ്ത് പരിശീലന സമയം മുൻകൂട്ടി അറിയിച്ച് രക്ഷിതാക്കളുടെ സാന്നിധ്യത്തിലാണ് പരിശീലനം നൽകിയത്. സ്റ്റേഷൻ ഓഫീസർ ശ്രീ ജിനേഷ് കെ എയുടെ നേതൃത്വത്തിൽ ജീവനക്കാരായ ബാബു ആയോടൻ , ടി കെ വിനു, വി വി ഫ്രാൻസിസ് , എം രമേഷ് കുമാർ,കെ സിജു,ജിതിൻ ശശീന്ദ്രൻ , സി പി വിജേഷ്, പി വി അനോഗ്, ടി ജെ റോബിൻ, വി അനിത്ത്, പി രസിൽ , എൻ സജേഷ് എന്നിവരാണ് പരിശീലനം നൽകിയത്.
Swimming training at Peravoor Fire Station - Rescue Guppies
